MASIGNALPHA101

တနိုင်းမှာ တိုက်ပွဲဖြစ်၊ ရွာထဲ လက်နက်ကြီးကျ

 တနိုင်းမှာ တိုက်ပွဲဖြစ်၊ ရွာထဲ လက်နက်ကြီးကျ
Sunday, April 8, 2018


ကချင်ပြည်နယ် တနိုင်းမြို့နယ် လမုန်ကျေးရွာမှာ ဒီကနေ့ မနက် အစောပိုင်းလောက်က ပြည်သူ့စစ်အဖွဲ့၊ အစိုးရ တပ်မတော်နဲ့ ကချင်လွတ်မြောက်ရေးတပ် KIA တို့ တိုက်ပွဲဖြစ်ပွားခဲ့ပြီး လက်နက်ကြီးကျည်တွေ ကျရောက်ခဲ့တယ်လို့ ဒေသခံတွေက ဒီနေ့ ပြောပါတယ်။

လမုန်ကျေးရွာက ပြည်သူ့စစ်စခန်းကို KIA က လာရောက်တိုက်ခိုက်ရင်းနဲ့ အစိုးရတပ်မတော်နဲ့ ဆက်ပြီး တိုက်ပွဲ ဖြစ်တာလို့ လမုန်ကျေးရွာခံတစ်ဦးက ပြောပါတယ်။

"တိုက်ပွဲအခြေအနေကတော့ KIA က ပြည်သူ့စစ်ကို လာတိုက်တာပါ။ KIA တွေလာပြီးတော့မှ တစ်ရာလောက် ရှိမယ်ထင်တယ် ဝိုင်းပြီးတော့မှ ပစ်ကြတာ။ ပြည်သူ့စစ်စခန်းမှာတော့ ပြည်သူ့စစ်တွေက ၆ ယောက်လောက်ပဲ ရှိတယ်။ ၁၈ နှစ်အရွယ်လေး သုံးယောက်လောက်ပါလို့ ၃ ယောက်ကပဲ ခံပစ်နေရတယ်"

မနက် ၂ နာရီခွဲလောက်ကစပြီး KIA အင်အားတစ်ရာလောက်က လမုန်ရွာထိပ်က ပြည်သူ့စစ်စခန်းကို ဝင်ရောက် တိုက်ခိုက်တာဖြစ်ပြီး မနက် ၄ နာရီလောက်မှာ တပ်မတော်ဘက်က ရောက်လာပြီး နာရီဝက်လောက် အပြန်အလှန် ပစ်ခတ်ခဲ့ကြတယ်လို့ သိရပါတယ်။ တိုက်ပွဲဖြစ်ပွားချိန်ကစပြီး KIA ဖက်က လက်နက်ကြီးကျည်တွေနဲ့ ပစ်ခတ်ခဲ့ တာကြောင့် လမုန်ရွာထဲက အလယ်တန်းကျောင်းကို ထိမှန်ခဲ့တယ်လို့ ဆိုပါတယ်။

လက်ရှိမှာတော့ တပ်မတော်က ရွာလုံခြုံရေး ယူထားပြီး နောက်ထပ်တိုက်ပွဲတွေ ထပ်ဖြစ်လာမှာကို ဒေသခံတွေ စိုးရိမ်နေရတယ်လို့လည်း ပြောပါတယ်။

ပြီးခဲ့တဲ့ ဧပြီလ ၆ ရက်နေ့ကလည်း ဖားကန့်မြို့နယ် တံတားညီနောင်ကျေးရွာက တပ်မတော်စစ်စခန်း တစ်ခုကို KIA က ဝင်ရောက်တိုက်ခိုက်ခဲ့လို့ တပ်မတော်ဖက်က ဗိုလ်မှူး တစ်ဦးအပါအဝင် ၆ ဦး ကျဆုံးခဲ့ရတယ်လို့ ဒေသခံတွေက ပြောပြချက်အရ သိရပါတယ်။

KIA က ဟူးကောင်းခရိုင်အတွင်းမှာ လာမယ့် ဧပြီလ ၁၀ ရက်နေ့ကစတင်ပြီး ပျောက်ကျားစစ်ဆင်ရေးနဲ့ မိုင်း စစ်ဆင်ရေး ပြုလုပ်သွားမှာ ဖြစ်တဲ့အတွက် အဲဒီဒေသအတွင်းမှာ ရွှေ နဲ့ ပယင်း တူးဖော်လုပ်ကိုင်နေကြသူတွေ ထွက်ခွာသွားကြဖို့ ပြီးခဲ့တဲ့ရက်ပိုင်းက ကြေညာချက် ထုတ်ပြန်ထားပါတယ်။

သတင်း - RFA