MASIGNALPHA101

မခံချင်စိတ်ဆိုတာ....

မခံချင်စိတ်ဆိုတာ....
Wednesday, February 28, 2018


တောင်ကိုးရီးယားလူမျိုးတွေဟာ ထမင်းစားရင် ဘာလို့ထမင်းကိုပန်းကန်လုံးလေးတစ် လုံးစာကိုပဲထည့်စားပါသလဲ?

ဆိုင်တွေမှာရောင်းရင်လည်း ထမင်းတစ်ပွဲစာဟာတစ်လုပ်စာသာသာမျှသာရှိတဲ့ ပန်းကန်လုံးလေးတစ်လုံးစာပဲရှိပါတယ်။

ဒါဟာဘာလို့လဲဆိုရင် ကိုးရီးယားတွေဟာ ထမင်းကိုအရမ်းတန်ဖိုးထားလို့ပါ။
ဒီပန်းကန်လုံးလေးထဲကထမင်းဟာ လူတစ်ယောက်အတွက် အကုန်မစားနိုင်စရာအကြောင်းမရှိပါဘူး
အရမ်းဗိုက်ဆာနေလို့ ဒီလိုထမင်းဆယ်လုံးစားရင်လည်း သူတို့မငြိုငြင်ပါဘူး
သူတို့စိုးရိမ်တာက ထမင်းကိုမကုန်ဘဲ လွှင့်ပစ်မှာကိုစိုးလို့ပါ တဲ့။
တောင်ကိုးရီးယားနိုင်ငံသားတွေဟာ ထမင်းလွှင့်ပစ်တတ်တဲ့လူတွေကို မျက်စောင်းထိုးပါတယ်။
မျက်စောင်းထိုးတယ်ဆိုတာ ကိုးရီးယားနိုင်ငံသားတွေတော်ရုံတန်ရုံအပြစ်မျိုးကိုကျူးလွန်ရင်တောင် မျက်စောင်းမထိုးတတ်ပါဘူး
မျက်စောင်းထိုးခံရတဲ့လူဟာ အင်မတန်ဒေါသထွက်အမြင်ကတ်စရာကောင်းတဲ့လူပါ
ဒါ့ကြောင့် ကိုးရီးယားနိုင်ငံသားတွေဟာ လူတစ်ယောက်ယောက်ကမျက်စောင်းထိုးပြီးကြည့်မှာကိုအလွန်အင်မတန်စိုးရိမ်ကြပါတယ်။

ကိုးရီးယားနိုင်ငံသားတွေ ထမင်းကိုတန်ဖိုးထားရတဲ့အကြောင်းအရင်းကိုပြောပါမယ်
ကိုးရီးယားနိုင်ငံဟာ ၁၉၄၅ခုနှစ်က ဂျပန်လက်အောက်ကလွတ်လပ်ရေးရခဲ့တာပါ
ဂျပန်လက်အောက်မှာဖိနှိပ်ခံဘ၀နဲ့ အစာရေစာငတ် ဆင်းဆင်းရဲရဲနေခဲ့ကြရပါတယ်
ထမင်းအစား ပြောင်းဆန်များကိုပြုတ်ပြီးစားကြရပါတယ်
ဒါ့ကြောင့် ခုချိန်ထိ ဂျပန်ဆိုရင် စိတ်ထဲမှာ အသေမုန်းပါတယ်။
ကိုးရီးယားနိုင်ငံဟာ ၁၅ရက် ၈လ ၁၉၄၅ခုနှစ်က ဂျပန်လက်အောက်ကလွတ်မြောက်ခဲ့တာဖြစ်ပြီး
မြန်မာနိုင်ငံထက် ၂နှစ်ကျော်စောပြီးလွတ်လပ်ရေးရခဲ့တာဖြစ်ပေမယ့်
တိုင်းပြည်ဟာ လုံးဝမငြိမ်းချမ်းခဲ့ပါဘူး
တောင်နဲ့မြောက်သဘောထားကွဲလွဲမှုတွေဖြစ်လာပြီး
လွတ်လပ်ရေးရပြီး၅နှစ်အကြာ ၁၉၅၀ခုနှစ်မှာတော့ တောင်နဲ့မြောက်စစ်ပွဲ စတင်ပါတော့တယ်
၁၉၅၀ခုနှစ်ကနေ ၁၉၅၃ခုနှစ်ထိ ၃နှစ်ဆက်တိုက်စစ်တွေအပြန်အလှန်တိုက်လိုက်ကြတာ
နဂိုကတည်းကမှ ဆောင်းရာသီဆိုဘာအပင်မှမဖြစ်ထွန်းတဲ့နိုင်ငံစစ်ကြောင့် ဘာဆန်စပါးမှမစိုက်ပျိုးရဲ
စိုက်ပျိုးမြေလည်းနည်းပါးတဲ့နိုင်ငံမှာ
လူတွေအကုန်လုံးမြက်ခြောက်စားရတော့မယ့်ဘ၀ကိုရောက်လာပါတော့တယ်
ဒါတွေကိုမကြည့်ရက်တော့လို့နိုင်ငံတစ်ကာက ဆန်စပါးတွေ ထောက်ပံ့တာ
ကျွန်တော်တို့မြန်မာနိုင်ငံကလည်း စပါးတင်းသိန်းပေါင်းများစွာအကူညီပေးခဲ့ပါတယ်
ဒါ့ကြောင့်လည်း ကိုးရီးယားနိုင်ငံရဲ့လွတ်လပ်ရေးနေ့တွေမှာအလံတွေစိုက်ထူရင် မြန်မာနိုင်ငံအလံလည်း ကျေးဇူးရှင်နိုင်ငံအဖြစ်အခုချိန်ထိသတ်မှတ်ပြီးစိုက်ထူထားလေ့ရှိပါတယ်။
ဒီလို တိုင်းပြည်တစ်ခုလုံးအငတ်ဘ၀ကိုကျရောက်ခဲ့ဖူးတော့
ထမင်းတစ်လုံးတစ်မင်းတစ်လုပ်ရဲ့တန်ဖိုးကို ကိုးရီးယားနိုင်ငံသားတွေက ပိုပြီးတန်ဖိုးသိတတ်ကြတာပါ။
အခုတော့ စိုက်ပျိုးမြေတွေတိုးချဲ့. အထွက်တိုးစေတဲ့နည်းပညာကောင်းတွေနဲ့ နိုင်ငံခြားထိ ဆန်တွေတင်ပို့နိုင်ခဲ့ပါပြီ
ဒါပေမယ့်သူတို့တွေဟာ ထမင်းတစ်လုပ် ဆန်တစ်စေ့ရဲ့တန်ဖိုးကို မမေ့ပစ်ကြပါဘူး
အလဟသတ်မဖြစ်အောင် မလွှင့်ပစ်ရအောင် စီမံပြုလုပ်ကြပါတယ်။
ဒါတွေဟာအတုယူစရာပါ
ကျွန်တော်တို့မြန်မာနိုင်ငံမှာ ဆန်စပါးပေါကြွယ်ဝ စိုက်ပျိုးမြေတွေပေါများ ဆန်စပါးချမ်းသာကြလို့ သိပ်ပြီးတန်ဖိုးမထားချင်ကြဘူး
ထမင်းဆိုလည်း လိုတာထက်ပိုပြီးထမင်းပန်းကန်အကြီးကြီးထဲထည့်
စားမကုန်ရင် အလွယ်တစ်ကူလွှင့်ပစ်ကြတတ်တာ ကလေးကအစလူကြီးတွေအဆုံးပါပဲ..။

ကိုးရီးယားတစ်ယောက်ကပြောဖူးတာကတော့
ဒီထမင်းပန်ကန်လုံးသေးသေးလေးတွေကိုမြင်တိုင်း ငါတို့စိတ်ထဲမှာ မခံချင်စိတ်တွေ ကြိုးစားချင်စိတ်တွေဖြစ်ပေါ်လာတယ်တဲ့ ။

ဗဟုသုတအနေနဲ့ ကြားဖူးနားဝရှိသလောက် တင်ပြတာပါ
ကောင်းတဲ့အယူအဆဆို အတုယူနိုင်ကြပါစေ...။

Credit to Original